Pak kohë pas denoncimit nga emisioni investigativ “STOP”, policia e kryeqytetit, procedoi penalisht administratorin e një kompanie private që hidhte mbetje spitalore dhe plastike në shtratin e lumit Erzen në fshatin Pinet.
Burime Zyrtare të Policisë së Tiranës thanë se me 7 nëntor janë referuar materialet në Prokurorinë e kryeqytetit ndaj Juni Kondit vjeç 27, banues në Tiranë.
Skandali u zbulua nga emisioni “STOP” me 24 dhe 26 tetor, siç shihet edhe në këto pamje ku mbetjet spitalore e medikamente të skuadra hidhen në lumë.
Prokuroria ka nisur tashmë hetimin, duke ngritur akuzën e ndotjes së ujërave dhe ajrit me mbetje të rrezikshme dhe toksike. /Tv Klan
