Shqipëria rënditet në një nga vendet me ndotjen më të lartë të ajrit në Europë.
Për shkak të ajrit të ndotur, përllogaritet se rreth 400 mijë individë humbin jetën në Europë.
Të paktën, sipas një artikulli të publikuar nga Forumi Ekonomik Botëror.
Vendi ynë i përket zonave me ndotje të lartë të ajrit. Madje, i gjithë Ballkani Perëndimor ka një nivel të lartë të ndotjes së ajrit.
Ndotja është e përqendruar kryesisht në Europën Qendrore dhe Juglindore. Ndërsa, Europa Perëndimore dhe Veriore ka një nivel më të ulët të ndotjes së ajrit.
OBSH, përllogarit se në të gjithë botën çdo vit, humbasin jetën rreth 2 milionë njerëz,- raporton Monitor.
Ndërkaq, miliarda euro përllogariten kostot për trajtimin e sëmundjeve të shkaktuara nga ndotja e ajrit.
Drejtuesi kryesor i auditimit, Janusz Wojciechowski, i tha gazetës “The Guardian” se gjetjet ishin të papranueshme.
Ne kemi një krizë të shëndetit publik në Europë për shkak të ndotjes së ajrit”. Ka më shumë se 1,000 vdekje të parakohshme çdo ditë në të gjithë BE-në. Më shumë se 1% të totalit të vdekjeve të përditshme në BE. Kjo është 10 herë më e lartë se numri i aksidenteteve me pasojë vdekjen me makinë.
Wojciechowski gjithashtu i tha “The Guardian” se BE shpenzon 3.4 miliardë euro për lëndë djegëse. Pothuajse, dyfishi i 1.8 miliardë eurove të shpenzuara për të luftuar ndotjen e ajrit.
Ai u shpreh se ndotja e ajrit duhet trajtuar si prioritet nga BE. Ndërsa, theksoi se shpresojmë që në kohët e ardhshme të jetë një prioritet./Opinion.al
