Është mbytur në plazhin e Phuket në Tajlandë, një grua shqiptare. Ngjarja raportohet se ka ndodhur ditën e djeshme.
Sipas Bangkok Post, gruaja është identifikuar si Daniela Idrizi, 41 vjeçe, e cila ndodhej aty për pushime së bashku me bashkëshortin e saj me origjinë egjiptiane, Mohamed Alsaba.
Ky i fundit, ka deklaruar për autoritetet tajlandeze se kishin mbërritur në Phuket ditën e martë dhe ishin regjistruar në një hotel në Tambon Karon në orën 14:00. Çifti kishte planifikuar të qëndronte aty deri ditën e enjte.
Si ndodhi ngjarja?
Rreth orës 16:00, çifti ka shkuar në plazh dhe 41-vjeçarja është futur në det për të notuar, siç ka deklaruar bashkëshorti i saj. Pas rreth 10 minutash, ajo u mbyt. Trupi i gruas shqiptare është dërguar sakaq në Spitalin Vachira Phuket, për të kryer autopsinë.
