“E futa në banjë, e zhvesha, e rraha dhe pastaj e hodha nga dritarja”. Ky është rrëfimi i krimit horror të burrit që vrau brutalisht gruan e tij në Fier, pasditen e sotme. Fredi Ruko 52 vjeç është autori i vrasjes, ndërsa viktimë mbeti Liljana Ruko 43 vjeçe.
Ngjarja në fjalë ka ndodhur në orën 15 e 45 minuta të pasdites së të shtunës në lagjen “Kryengritja e Fierit”. Komshinjtë kanë dëgjuar zënka, debate me zë të lartë.
Ata thonë se më pas kanë parë momentin kur 52 vjeçari e ka hedhur gruan e tij, nënë e dy fëmijëve, nga dritarja.
Edhe pse janë munduar që ta shpëtojnë, ajo nuk ka mundur të mbijetojë duke ndërruar jetë gjatë rrugës për spital.
Në polici autori i ngjarjes ka pohuar se kishin emigruar një kohë të gjatë në Gjermani dhe kishin pak që ishin kthyer së bashku me 2 fëmijët.
“Edhe në Gjermani i kam pasur këto debate”, ka thënë ai para grupit hetimor që e mori në pyetje. Policia dyshon se xhelozia e burrit çoi në këtë ngjarje të rëndë.
