Dhjetëra kompani janë duke hequr dorë nga prodhimet e tyre bazë për të ndihmuar në përballimin e situatës së krijuar nga koronavirusi.
Një distileri në Skoci, ndaloi prodhimin e xhinit, vodkës dhe rumit për të plotësuar nevojat në treg për dezifektantë.
Kështu, Kompania “Leith Spirits”, me bazë në Edingburg njofton se tashmë prodhimet e saj të dezifektantëve po iu dhurohen infermierëve, të moshuarve dhe oficerëve të policisë.
“Komuniteti na mbështet për këtë nismë dhe është koha për të bërë diçka për ta”, shprehet Kerin Mair, një nga bashkëthemeluesit e distilerisë.
Kujtojmë se dhe LVMH, kompania që zotëron Christian Dior, Guerlain dhe Givenchy dhe shumë marka të tjera luksi, ka ndihmuar autorietet franceze duke prodhuar xhel antibakterial dhe duke ia dhuruar falas, në ndihmë të luftës me koronavirusin.
Iniciativat vinë pasi autoritetet në gjithë botën sugjerojnë larjen e duarve si masën kryesore për parandalimin e përhapjes së koronavirusit. Në pamundësi për ta bërë këtë, rekomandohen antibakterialët dhe kjo ka sjellë mungesa të këtyre produkteve në tregjet botërore.
Sidoqoftë, mënyra më e mirë për të pastruar duart mbetet larja e tyre me ujë dhe sapun./Opinion.al
