Trafikantët e drogës kanë “shpikur” mënyra nga më të çuditshmet për të trafikuar lëndët narkotike. Një rast i rrallë është shënuar edhe në një aeroport në Frankfurd të Gjermanisë, ku një 24-vjçare kishte fshehur sasi të madhe droge brenda qeseve të silikonit në gjoksin e saj.
Kokaina me vlerë 500 mijë euro u zbulua nga kontrolli rutinë që zhvillohet në aeroport, pasi vajza nga Kolumbia filloi të ankohej nga dhimbjet në gjoks. “Ky është rasti i parë në Gjermani kur drogërat trafikohen në këtë mënyrë”, u tha gazetarëve zëdhënësi i doganës. Ai shtoi gjithashtu se cilësia e dobët e ndërhyrjes kirurgjikale në gjoks tregon indiferentizmin ndaj jetës njerëzore dhe kushtet kërcënuese për jetën e transportuesve të drogës.
