Tre persona të maskuar dhe të armatosur janë përpjekur mbrëmjen e djeshme të grabisin një 62 vjeçar, pranë shkollë “Ismail Qemali” në Shkodër.
Viktimë e kësaj grabitje është bërë shtetasi Agron Veseli, të cilit autorët i kanë hyrë në banesë dhe i kanë kërkuar para.
Por asgjë nuk ka shkuar mirë për grabitësit
Pasi kanë kërcënuar pronarin e shtëpisë se do ta vrasin nëse nuk u jep paratë dhe ka marrë përgjigje refuzuese prej tij, grabitësit janë pikasur nga policia pasi njoftimit nga një komshinjtë.
Dy nga autorët e identifikuar si Pëllumb Kolbuçaj dhe Abdullah Hardhiça janë përleshur fizikisht me policinë e cila më pas i ka prangosur ndërsa është shpallur në kërkim F.SH, grabitësi i tretë i dyshuar.
Për fatin e tij të mirë 62-vjeçari Agron Veseli ka shpëtuar me plagë të lehta në kokë, fytyrë dhe trup.
Ai u dërgua për mjekim në spitalin e Shkodrës, ndërsa autorët nuk patën kohë të grabisnin asgjë në shtëpi duke dështuar në misionin e tyre.
Njoftimi i policisë Shkodër:
Falë reagimit të shpejt të policisë arrestohet në flagrancë dy nga autorët e grabitjes.
Nga shërbimet të Komisariatit Policisë Shkodër, Forcës Posaçme Shqiponja të D. V. P. dhe FNSH në lagjen Kongresi i Përmetit, Shkodër, është arrestuar në flagrancë shtetasi:
Pllumb Kolbuçaj 45 vjeç, banues në lagjen Guerile, Shkodër,
Abdullah Hardhiçaj, 53 vjeç, banues në lagjen “Ahmet Haxhija”, Shkodër,
Keto shtetas u arrestuan pasi dyshohet të ketë qenë autorë të grabitjes, të cilët sebashku me një shtetas tjetër, kanë tentuar të vjedhin me dhunë banesën e shtetasit A. V. 62 vjeç, me të cilin janë konfliktuar fizikisht, duke i shkatuar dëmtime, jashtë rrezikut për jetën.
Gjithashtu është identifikuar edhe autori i tretë i cili u shpall në kërkim shtetasi F. Sh. 20 vjeç, banues në Shkodër.
Shtetasve të lartpërmendur në momentin e arrestimit ju gjet maska, doreza, dhe një levë hekuri të cilat u sekuatruan në cilësinë e provës materiale.
Vijojnë hetimet për dokumentimin e plotë të kësaj ngjarje.
