Ndodh çudia në Vlorë, Presidenca e Flamurtarit heq biletat për tifozët në stadium

Në Vlorë ka risi: sezonin e ri tifozët do të hyjnë falas në stadium, me përjashtim të bosave që duan të ulen në tribunën qendrore. Flamurtari, me një njoftim në faqen e vet në Facebook, ka njoftuar se këtë sezon çdo ndeshje në stadiumin “Flamurtari” do të jetë falas në të gjitha tribunat, me përjashtim të qendrores. Një lajm i bukur për gjithë ata tifozë që ankohen për çmimet e biletave, por që tani nuk kanë më justifikim, pasi edhe skuadra që u pa në Korçë nuk ishte aspak e keqe. Gjithsesi, një rregull i tillë bën që klubi të humbasë të ardhura të rëndësishme, pa harruar që tifozët do mësohen pa bileta dhe kthimi i tyre do jetë problem më vete.