Dy persona janë arrestuar pasi dyshohen për një seri vjedhjesh në rajonin Steenokkerzeel të Belgjikës, ndërkohë që një i tretë është arrestuar. Mediat vendase bëjnë me dije se të dyshuarit vijnë nga Shqipëria, ndërsa në aksionin për kapjen e tyre është përdorur edhe një helikopter.
Mbrëmjen e së premtes, policia ka rënë në gjurmët e hajdutëve pasi është njohur makina e tyre. Kur patrulla kërkoi të ndalonte të dyshuarit, ata u larguan me makinën e tyre të ndjekur nga policia. Hajdutët kanë përplasur makinën dhe janë larguar nga aty me vrap. Policia nisi në ndjekje edhe një helikopter të policisë federale, duke arrestuar dy nga të dyshuarit, ndërsa një i tretë është ende i arratisur”, shkruajnë mediat vendase. Në makinën e tyre u gjetën sende të ndryshme të vjedhura në rajonin Herent dhe Kortenberg./Opinion.al
