Stilistja Victoria Beckham është sulmuar nga ndjekësit e saj në rrjete sociale pas fotove të fundit që ka publikuar. Victoria është akuzuar se në vend të veshjeve është duke promovuar modele që në pamje të parë duken anoreksike.
Kjo ndodhi pasi Beckham publikoi në Instagram disa foto të veshjeve të saj, ku duket se vëmendjen e mori modelja.
“Të lutem jepi të hajë modeles, ajo duket e sëmurë”, -shkruante një ndjekës.
Ndërsa një tjetër pohonte:
“E pëlqej punën tënde, por më vjen keq që ti promovon këtë trup që duket si skelet. #ushqemodelet (#feedthemodel)sepse ajo do të vdesë nëse nuk ha vaktin tjetër. Sa keq të shohësh sesi një ikonë si ju promovon modele që duken të sëmura”.
Nuk është hera e parë që Victoria Beckham kritikohet për zgjedhjen e modeleve shumë të dobëta për të ekspozuar veshjet e saj./Opinion.al/
