Policia izraelite ka qëlluar për vdekje një palestinez në hyrje të xhamisë Al-Aksa, duke rritur frikën për dhunë të mëtejshme.
26-vjeçari Mohammad Khaled al-Osaibi nga Houra, është i riu që mbeti i vrarë nga të shtënat e policisë izraelite në një fshat arab në jug të Izraelit. Incidenti ndodhi rreth mesnatës pranë Portës së Zinxhirit, një pikë aksesi në kompleksin e Xhamisë Al-Aksa në Jerusalemin Lindor të pushtuar nga Izraeli, tha policia.
Adhuruesit palestinezë thanë se policia e qëlloi të riun të paktën 10 herë, pasi ai u përpoq t’i pengonte ata të ngacmonin një grua që duke shkuar për në xhami.
Policia izraelite ka rritur forcat e saj në zonë, ndërkohë që ende dhjetëra mijëra besimtarë myslimanë nga Jeruzalemi dhe Bregu Perëndimor i pushtuar nga Izraeli mblidhen për lutjet e Ramazanit në xhaminë Al-Aksa.
Të premten, më shumë se 200,000 palestinezë u mblodhën për lutjet e mesditës në kompleks, i cili kaloi paqësisht.
Në vitet e mëparshme, Ramazani ka parë policinë izraelite të sulmojë palestinezët e mbledhur rreth kompleksit të xhamisë Al-Aksa të Jerusalemit, vendi i tretë më i shenjtë i Islamit. Ramazani përkon këtë vit me Pashkët e Judaizmit dhe Pashkët e Krishterë.
Në vitin 2021, dëbimi i familjeve palestineze nga shtëpitë e tyre në Jerusalem shërbeu si një katalizator për protestat e përhapura palestineze në të gjithë Izraelin dhe territorin e pushtuar palestinez.
Bastisjet në xhaminë Al-Aksa nga forcat izraelite të sigurisë gjatë Ramazanit rritën tensionet më tej dhe, katër ditë më vonë, filloi një sulm 11-ditor izraelit në Gaza, gjoja si përgjigje ndaj raketave të lëshuara nga Hamasi drejt Izraelit./Opinion.al
