Një drejtues mjeti është gjobitur me 40 mijë lekë të rinj, pasi ka ndjekur auto-ambulancën që ishte në shërbim emergjence, duke tejkaluar kështu shpejtësinë e lejuar.
Uniformat blu bëjnë me dije se drejtuesit të mjetit i është pezulluar patenta dhe i është vendosur gjoba 40 mijë lekë të reja.
“Ndiqte ambulancën e cila ishte në shërbim emergjence, procedohet me masë administrative dhe pezullim të lejes së drejtimit, drejtuesi i automjetit.
Policia Rrugore e Tiranës në vijim të kontrolleve të ushtruara për rritjen e parametrave të sigurisë rrugore, në rrugën interurbane Durrës-Tiranë, ka konstatuar dhe ndaluar një automjet që ndiqte ambulancën e cila ishte në shërbim emergjence.
Ndaj drejtuesit të automjetit u vendos masa administrative 40 000 lekë të rinj.
Policia Rrugore e Tiranës apelon që drejtuesit e mjeteve të tregojnë kujdes në raport me rregullat e qarkullimit rrugor dhe veçanërisht për të mos ndjekur nga afër dhe shfrytëzuar progresionin e lëvizjes së mjeteve të emergjencave, me sisteme zanore dhe pamore ndezur “, tha policia./Opinion.al
