Një gomone e drejtuar nga 2 shqiptarë është kapur nga Policia e Shtetit në një operacion të përbashkët me Guardia di Finanza NUFROM, si dhe njësia operative aerodetare e Guardia di Finanza të Pulias. Mjeti kap rreth 32 km në afërsi të San Kataldos në Leçe. Sipas raportimeve të polocisë mjeti kishte një gjatësi 6 metra dhe drejtohej nga 2 shqiptarë, të cilët sapo kanë pikasur që po ndiqeshin e kanë hedhur lëndën narkotike në det.
Dy skafistët shqiptarë B.H., 48 vjeç, banues në Vlorë dhe E.N., 31 vjeç, banues në Vlorë, janë arrestuar nga Guardia di Finanza për veprën penale “Trafik ndërkombetar i lëndëve narkotike”.
Lënda narkotike e nxjerrë nga deti nga policia mësohet të peshojë 506 kg, e paketuar në 28 pako të mëdha. / lapsi
