Një 34 vjeçare është arrestuar në Durrës pasi ka tentuar të ndihmojë që të kalojnë kufirin 4 persona me dokumenta të dyshuara të falsifikuara.
Policia bën me dije se është vënë në pranga shtetasja me inicialet E.B., banuese në Durrës.
Ajo është kapur duke ndihmuar të kalojnë kufirin në mënyrë të kundraligjshme, me dokumenta të dyshuara të falsifikuara Vilma Gjergji, 30, vjeçe, banuese në Durrës; Mariglen Gjergji 28 vjeç, banues në Durrës; Mario Mustafa 31 vjeç, banues në Tiranë dhe Bihane Pëllumbi 30 vjeçe, banuese në Tiranë.
Njoftimi i policisë:
Goditet një rast tentative për kalim të paligjshëm të kufirit. Vihet në pranga një shtetase, e cila ndihmoi 4 shtetas me qëllim kalimin e kufirit në mënyrë të paligjshme, me dokumenta të falsifikuara.
Specialisët e Pikës së Kalimit Kufitar Durrës në bashkëpunim me Specialistët për Hetimin e Trafiqeve në DVP Durrës, si rezultat i kontrolleve të shtuara për parandalimin dhe goditjen e paligjshmërisë kanë arrestuar në flagrancë shtetasen E.B., 34 vjeçe banuese në Durrës.
Shtetësia e mësipërme, mbrëmjen e djeshme është ndaluar në PKK Durrës, duke ndihmuar të kalojnë kufirin në mënyrë të kundraligjshme, me dokumenta të dyshuara të falsifikuara shtetasit V.Gj., 30, vjeçe, banuese në Durrës; M.Gj., 28 vjeç, banues në Durrës;M.M., 31 vjeç, banues në Tiranë dhe B.P., 30 vjeçe, banuese në Tiranë.
Materialet i kaluan Prokurorisë së Rrethit Gjyqësor Durrës për veprime të mëtejshme./Opinion.al
