Arber Hajdari, drejtuesi i “Fundjavës Ndryshe” tha në emisionin Opinion se deri tani ndihma monetare është mbi 2 milionë euro, për të prekurit e tërmetit.
Sipas tij solidariteti ka qenë i madh, duke përmendur kamionët me ndihma nga Kosova dhe shqiptarët e Maqedonisë.
Arber Hajdari: Kanë ardhur kamionë pa fund me ndihma. Që ditën e parë, sidomos nga Kosova. Kemi punuar në disa fronte, nuk kemi bërë një maratone për të mbledhur fonte. Kemi krijuar një link dhe deri sot janë 30 mijë donatorë. Përafërsisht shuma shkon mbi 2 milionë euro. 70 për qind janë SHBA. Solidariteti ishte shumë i madh, sa hapem linkun pas 8 orëve ka qenë 1 milionë dollarë. Tani ka një lloj tërheqje, normalisht ritmi do të bjerë por ka njerëz dhe që grumbullojnë fonde edhe në vende të ndryshme të botës që presim të na bashkohen.
Ndërkohë Adriana Kalaja tregoi nismën që nisi Aleanca për mbrojtjen e Teatrit dhe ndihmat që ata mblodhën.
Adriana Kalaja: Një nga bashkëqëndrestarët e hodhi idenë në mëngjesin e datës 26 nëntorit, që të mbledhin disa ndihma. Unë e para isha shumë skeptike, mendova se në shumicë do të ishin vetëm pjesëtarë të Mbrojtjes së Teatrit një numër i kufizuar njerëzish. Realisht arrit në një pikë që nuk dinim t’i sistemonim. Në përgjithësi, se në bëmë thirrje vetëm për ndihma, shumica në ditën e para erdhën në ndihma në veshje, batanije jorganë. Vazhdonte situata e rëndë, disa njerëz ishin ende nën rrënoja dhe disa qytetarë të tjerë që ikin nga puna ose ktheheshin nga puna, morën vesh vendndodhjen dhe filluan të kontribuonin në para dhe ne filluam ti mblidhnim donacionet pa mandat arkëtimi. Por, me këmbënguljen tonë të madhe që tu merrnim emrin dhe mbiemrin shënim. Na ka bërë shumë përshtypje që shumica e njerëzve që linin kontributet po nuk donin të linin emrin, por jo për frikë. Ne kemi bërë një bilanc të përafërt, jemi në 1.5 milionë lek të reja. Vetëm me donacione që ata njerëz mbase mund të ishin dhe më të varfër se sa ata njerëz që ishin në momentin e tragjedisë së tërmetit. Mbase ata njerëz mund të sjellin shishen e fundit të vajit. Ne kemi shpërndarë 90 ton ndihma, pra ushqime, kemi prekur zonat më të thella dhe i kemi shpërndarë vete. Ne të aleancës kemi ndjekur në shesh dhe për 16 orë në ditë./ Opinion.al
