Presidenti i Amerikës, Joe Biden paralajmëroi gjatë një takimi në Shtëpinë e Bardhë se ndihmat humanitare në Gaza nuk po ecin me ritme të shpejta.
“Nuk po ecin mjaftueshëm shpejt”, u përgjigj presidenti Biden pasi u pyet nga gazetarët në një ceremoni çmimesh për Medaljet Kombëtare të Shkencës dhe Medaljet Kombëtare të Teknologjisë dhe Inovacionit.
Biden tha se presidenti i Egjiptit ka rënë dakord të hapë një pikë kufitare në Gaza për të lejuar 20 kamionë me ndihma humanitare.
Ai tha se foli me presidentin e Egjiptit Abdel Fattah El-Sisi pas vizitës së tij në Izrael, ku liderët atje ranë dakord të lejonin ndihmën.
Zyrtarët e Shtëpisë së Bardhë thanë se ndihma do të rrjedhë në ditët në vijim. Biden tha se nëse Hamasi konfiskon ndihmën, “ajo do të përfundojë”.
Izraeli mbylli Rripin e Gazës, duke ndaluar çdo hyrje të ushqimit, ujit, ilaçeve dhe karburantit për 2.3 milionë banorët e tij pas sulmit të Hamasit më 7 tetor./Opinion.al
