Bota

Ndihmat e Rusisë/Zyrtarët e BE: Për çfarë po e shfrytëzon Putin, pandeminë


               Publikuar në : 10:10 - 04/04/20 |
el ida

Një grup ligjvënësish të Bashkimit Evropian po akuzojnë Moskën se po shfrytëzon pandeminë e koronavirusit, në përpjekje për të hequr sanksionet e vendosura mbi veprimet e Rusisë në Ukrainë.

Në letrën e dërguar më 3 prill, nga shërbimi qendror i RFE-së, thuhet se ndihma ruse ndaj vendeve evropiane për të luftuar krizën shëndetësore është pjesë e “një fushate” për të shtyrë BE-në të tërheqë sanksionet ndaj Rusisë.

Letra u nënshkrua nga 19 anëtarë të BE-së dhe iu adresua presidentes së Komisionit Evropian, Ursula von der Leyen, presidentit të Këshillit Evropian, Charles Michel dhe shefit të Politikës së Jashtme, Josep Borell.

“Autoritetet ruse me anë të një fushate, duke dërguar ndihma humanitare në Itali si dhe duke keqinterpretuar deklaratat e zyrtarëve të Kombeve të Bashkuara, janë duke tentuar të ndryshojnë qëndrimin e BE-së dhe vendeve anëtare lidhur me sanksionet”, thuhet në letër.

Ligjvënësit thonë po ashtu se janë duke shqyrtuar çdo mundësi për të mos lejuar tërheqjen e sanksioneve ndaj Rusisë.

Kjo letër i referohet kërkesës së presidentit rus Vladimir Putin lidhur me ngrirjen e sanksioneve ekonomike që  shteteve, t’u mundësohet luftimi i COVID-19.

Por, ligjvënësit kanë insistuar se nuk është e lehtë t’i besohet Rusisë, lidhur me fshehjen e statistikave për shpërndarjen e koronavirusit në vend dhe veprimet agresive ndaj shteteve fqinje./Opinion.al

Pas