Një 42-vjeçar ka rënë në prangat e policisë në Fier, pasi ndezi zjarr për të djegur barishte në tokën e tij, dhe flakët i dolën nga kontrolli e për pasojë u dogjën dhjetëra hektarë në territorin e fshatit Levan.
Policia bën me dije se bazuar në inteligjencën informative, është bërë i mundur identifikimi dhe arrestimi i autorit të dyshuar të zjarrvënies, shtetasit F. Rr., 42 vjeç, banues në fshatin Jarua, Fier.
Ky shtetas, me qëllim djegien e barishteve në tokën e tij, ka ndezur zjarr dhe për shkak të erës, zjarri ka marrë përmasa të mëdha duke djegur 20 hektarë me bimësi, 2 hektarë vreshta dhe 400 rrënjë ullinj.
Materialet do i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme procedurale.
