Mjekë të Tiranës dhe Kavajës u përballën në një ndeshje futbolli për bamirësi. Në stadiumin “Besa” mjekët e maternitetit “Koço Gliozheni” dhe ata spitalit të Kavajës u përballën për të mbledhur të ardhura për azilin e të moshuarve të qytetit.
Skuadrat e mjekëve kishin përforcime nga dy futbollistë të Teutës, si dhe trajneri Agim Canaj. Ndërsa nga shkallët e stadiumit tifozët speciale për mbështetje ishin humoristë e mjekë të tjerë që iu bashkuan nismës së drejtorit të maternitetit “Koço Glozheni”, Arben Rugia për mbledhjen e fondeve për moshën e tretë.
Ndonëse në temperatura të ulëta, ndeshja ofroi momente të bukura dhe lojë të fortë sportive, duke u mbyllur me një barazim miqësor 1-1.
