TIRANË-Masat e policisë për ndeshjen Shqipëri-Serbi e kalojnë imagjinatën. Është folur deri tani për monitorim nga ajri e toka, ndërsa tashmë mësojmë se rrugët e kryeqytetit do të jenë të bllokuara për dy ditë me radhë, të mërkurën dhe të enjten. Ka qenë Policia e Shtetit ajo që ka bërë të ditura masat të cilat nisin që nesër.
Rrugët e bllokuara 7 tetor
Nga ora 17-20:00 të datës 7 tetor- bulevardi “Dëshmorët e Kombit” nga Ura e Lanës deri te sheshi Skënderbej do të qëndrojë i bllokuar. Gjithashtu segmenti nga Aeroporti i Rinasit, Qafë Kashari në autostradën Tiranë-Durrës si dhe rrugët dytësore,duke vijuar te mbikalimi i Kamzës, rruga “Dritan Hoxha”, rruga “29-Nëntori”, rruga e “Durrësit”, bulevardi “Dëshmorët e Kombit”, rruga “Ismail Qemali” deri te rruga e “Elbasanit”
Nuk do të lejohet parkimi i automjeteve dhe nuk do te lejohet kalimi i kembesoreve pranë Hotel “Sheraton’’ dhe Univeristetit të Arteve si dhe nuk do te lejohet parkimi i automjeteve në sheshin “Italia”.
Bllokimi do të vazhdojë në të gjitha segmentet të cilat lidhen me Hotel “Sheratonin”.
Rrugët e bllokuara 8 tetor
Në datë 08.Tetor.2015, nga ora 12:00-19:00, do të bllokohet segmenti rrugor nga rruga “Dervish Hima”, rruga e “Elbasanit”, tuneli i Elbasanit ku nuk do të lejohen kalimi mjeteve deri në përfundim të aktivitetit sportiv në qytetin e Elbasanit.
Drejtoria e Tiranes, kërkon mirëkuptimin e drejtuesve të mjeteve dhe gjithë përdoruesve të rrugës të shmangin kalimin në segmentet e përcaktuara si edhe të përdorin aksin rrugor nga autostrada për te mberritur ne qytetin e Elbasanit.
