Në kuadër të masave të rrepta të sigurisë Policia ka njoftuar tifozët se në cilën orë do të jetë i lirë tuneli i Elbasanit: “Lëvizja me automjet nga Elbasani për në Tiranë nëpërmjet tunelit do të jetë e lirë deri në orën 17.00 të ditës së sotme. Ndërsa lëvizja nga Tirana për në Elbasan nëpërmjet tunelit do jetë e lirë deri në orën 17.30 po të ditës së sotme. Pas këtij orari sipas kahut të lëvizjes, tuneli do të bllokohet dhe lëvizja do të kryhet nga Durrësi,” njofton policia.
Masat e larta të sigurisë për Izraelin kanë detyruar tifozët e shumtë që duan të ndjekin ndeshjen e kombëtares që të udhëtojnë që gjatë paradites së sotme drejt qytetit të Elbasanit, duke iu frikësuar bllokimit të plotë të rrugës. Ndaj Policia e Shtetit, për t’u ardhur në ndihmë mbështetësve të kombëtares, ka njoftuar se si do të funksionojë aksi TiranëElbasan, në mënyrë që edhe publiku të ketë mundësi të kalojë nëpërmjet kësaj rruge para bllokimit. Policia e Shtetit ka marrë të gjitha masat për mbarëvajtjen e këtij aktiviteti sportiv, me të njëjtin përkushtim e seriozitet si për çdo ndeshje tjetër ndërkombëtare që është zhvilluar në vendin tonë.
