Kanë qenë të dy te Torino dhe për më tepër kanë një raport shumë të veçantë. Bëhet fjalë për trajnerin e Italisë, Xhanpiero Ventura dhe mesfushorin kuqezi, Migjen Basha. Pak minuta më parë, të dy janë takuar në “Loro Boriçi”, si shihet nga fotoja ekskluzive e “Panorama Sport”.
Pas shakave dhe kujtimbve të së kaluarës, Basha i rreh shpatullat Venturës dhe qeshin pa fund. Më pas vjen edhe sulmuesi Imobile dhe të tre shkrihen së qeshuri pas një batute të Venturës.
Ndërkohë, Elseid Hysaj për më shumë se 5 minuta është parë në shoqërinë e mbrojtësit Rugani (shok skuadre te Empoli). Ndërsa Memushaj qëndron më shumë me portierin e Milanit, Donaruma, teksa shihen duke qeshur pas batutave që bëjnë. Mbrojtësi Ajeti zgjedh të bisedojë pak minuta me lojtarin e Fiorentinës, Spinacola.
Po ashtu jashtë stadiumit para fillimit të sfidës në “Loro Boriçi” ndërmjet Shqipërisë dhe Italisë tifozët kanë nisur të futen brenda. Mirëpo, siç shpesh ndodh në raste të tilla, janë parë raste të gjata para portave që kanë shkaktuar bezdisje dhe acarime te tifozët.
