Kryeministri Edi Rama përmes një publikimi në “Twitter” iu është përgjigjur Shoqatës së Ndërtuesve, të cilët kanë bërë ankim në Gjykatën Kushtetuese, për aksionin e qeverisë për pallatet që kanë shkelje të lejes së ndërtimit.
Rama ka qenë i prerë ndërsa thotë se edhe nëse shkojnë në Hagë apo në Hënë pallatet me shkelje do prishen ose do konfiskohen për interes publik.
“Shoqata e Ndërtuesve qenka ankuar në Gjykatën Kushtetuese pse po goditen rëndë pallatet me shkelje të lejeve të ndërtimit!Le të shkojnë edhe në Hagë ose në hënë po të duan,po pallatet me shkelje do prishen ose do konfiskohen për interes publik prandaj uroj që GJK të mos lajthisë!”-shkruan Rama.
