Qytetarë dhe aktivistë të shoqërisë civile kanë protestuar pasditen e kësaj të marte në Tiranë.
Protestuesit u mblodhën për të kundërshtuar projektin e ndërtimit të një kulle shumëkatëshe pas Teatrit të Operës dhe Baletit.
Ashtu siç mund të shihni edhe në foto, qytetarët mbajnë pankarta në duar dhe janë mbledhur para parkut, i cili është rrethuar për të nisur punimet.
Përmes pankartave dhe thirrjeve me megafon ata kundërshtuan prishjen e parkut dhe ndërtimin e kullës.
“Tirana e 1 milion kullave”, “Beton, pallate kulla 60 kate, për të blerë shtëpi 60 vjet kredi” dhe “Larg duar nga parku”, ishin disa nga përmbajtjet e pankartave që protestuesit mbanin në duar./Opinion.al
