Një shtetas 68-vjeçar ka humbur jetën në mënyrë tragjike ditën e sotme në Pogradec. Mësohet se A.M, banues në Zogorçan, ka rënë në kontakt me rrymën elektrike teksa po punonte me prizën e televizorit. Ai është transportuar në spital në gjendje të rëndë por nuk ka arritur dot të mbijetojë.
Njoftimi i plotë i policisë:
Më datë 18.11.2017, jemi njoftuar se në Spitalin e Pogradecit është transportuar në gjendje të rëndë shëndetësore shtetasi A.M, 68 vjeç, banues në fshatin Zagorçan.
Pas mbërritjes në Spital, ky shtetas ka ndërruar jetë. Nga të dhënat e para rezulton se shtetasi A.M, ka rënë në kontakt me rrymën elektrike duke punuar me prizën e televizorit.
U ngrit grupi hetimor dhe po punohet për zbardhjen e sqarimin e rrethanave të ngjarjes.
