Nobelisti shqiptaro-amerikan në fushën e mjekësisë, Dr.Ferid Murad ka ndërruar jetë mbrëmjen e djeshme në moshën 87-vjeçare.
Lajmi u bë i ditur nga nga miq të tij në rrjetet sociale.
Ferid Murad me origjinë nga Gostivari, ka jetuar dhe vepruar në SHBA ndërsa ka ligjëruar në universitetet më me emër të Amerikës dhe jo vetëm. Ai ishte një mjek dhe farmakolog dhe në vitin 1998 fitoi Çmimin Nobel në Fiziologji dhe Mjekësi.
Murad lindi më 14 shtator 1936 në Whiting në Indiana të SHBA-së. Prindërit e tij ishin Henrietta Josephine Bowman nga Alton, Illinois dhe Xhabir Murat Ejupi, një emigrant shqiptar nga Gostivari.
Hulumtimi kryesor i Murad-it tregoi se nitroglicerina dhe ilaçet e lidhura me to funksionuan duke lëshuar oksid nitrik në trup, i cili relakson muskujt e lëmuar duke ngritur GMP ciklike ndërqelizore.
Në vitin 2015, Murad nënshkroi Deklaratën e Mainau mbi Ndryshimet Klimatike në ditën e fundit të Takimit të 65-të të Laureatëve të Nobelit Lindau. Deklarata u nënshkrua nga gjithsej 76 laureatë dhe iu dorëzua Presidentit të atëhershëm të Francës, François Hollande, si pjesë e samitit të suksesshëm të klimës COP21 në Paris./Opinion.al
