Është ndarë nga jeta në moshën 79-vjeçare biznesmeni dhe industrialisti i njohur David Koch. Lajmin për vdekjen e tij e kanë konfirmuar familjarët e të ndjerit.
David dhe vëllai i tij Charles Koch konsiderohen si donatorët më të mëdhenj të organizatave konservatore, pasi dhuronin miliarda dollarë në to.
Koch ishte një ndër njerëzit më të pasur në botë. Sipas revistës prestigjioze Forbes, ai dhe vëllai i tij janë në vendin e 11-të të më të pasurve.
Në 2018 ai ishte tërhequr nga drejtimi i bizneseve “Koch Industries” për shkak të problemeve shëndetësore.
Koch është prekur edhe nga kanceri i prostatës rreth 27 vite më parë. Ndonëse në atë kohë mjekët i dhanë vetëm 5 vite jetë, ai ja doli të mundte betejën me sëmundjen.
Ka dhuruar qindra miliona dollarë për studime të ndryshe në fushën e mjekësisë./Opinion.al/
