Ka ndërruar jetë në spitalin e Traumës në Tiranë 8-vjeçarja nga Lezha e cila u plagos rëndë pasi ra aksidentalisht nga kati i 6 i një pallati. Lajmi konfirmohet nga policia e Lezhës.
Pavarësisht kujdesit të mjekëve, e mitura nuk mundi tu mbijetojë dot plagëve të marra në kokë dhe disa pjesë të trupit.
Policia ka nisur hetimet në lidhje me ngjarjen. Nga të dhënat është bërë e ditur se në momentin e ngjarjes vogëlushja ka qenë e vetëm brenda banesës, pasi nëna e saj kishte dalë për të blerë ushqime.
Bie nga kati i gjashtë i pallatit, rëndë fëmija. Me helikopter drejt Tiranës
Një fëmijë vetëm 8 vjec ka rënë nga kati i gjashtë i pallatit. Ngjarja e rëndë ka ndodhur në Lezhë, në rrethana që ende presin të sqarohen nga policia.
Sipas të dhënave të para raportohet se fëmija ndodhet në gjendje të rëndë për jetën.
Pas thirrjes për ndihmë fëmijë u dërgua me urgjencë drejt Tiranës, për ndihmë të specializuar mjekësore.
Informacioni policor:
Më datë 29.03.2017, ora 12: 50, në lagjen “Beslidhja” në Lezhë, është rrëzuar aksidentalisht nga kati i VI-të i pallatit në banesën ku banonte shtetasja K.P. 8 vjeçe.
Shërbimet e policisë ndodhen në vendngjarje dhe po kryhen veprimet për zbardhjen e plotë të ngjarjes.
E mitura është transportuar me helikopter drejt Qendrës së Traumës në Tiranë për ndihmen e nevojshme mjekësore.
