Lisa Loring, e njohur më së miri si aktorja e parë që luajti Wednesday Addams në sitcom-in origjinal “The Addams Family”, ka vdekur në moshën 64-vjeçare.
Vajza e Loring, Vanessa Foumberg, konfirmoi në një deklaratë për Variety se nëna e saj vdiq të shtunën nga një goditje në tru.
Teksa dy vajzat e saj i mbanin duart “Ajo ndërroi jetë në mënyrë paqësore” tha Foumberg.
Laurie Jacobson, shoqja e Loring, gjithashtu raportoi vdekjen e saj në Facebook, duke thënë se ajo kishte “pësuar një goditje masive të shkaktuar nga pirja e duhanit dhe presioni i lartë i gjakut”.
Pas lajmit për vdekjen e saj, fansat reaguan në mediat sociale për të nderuar aktoren. Në Twitter shkruhej: Lamtumirë Lisa Loring, personi që përcaktoi Wednesday Addams në një kohë kur ajo ishte thjesht një vizatim i vrenjtur në gazetë.
Loring ishte pjesë e projektit Wednesday, e zbehtë, e veshur me të zeza dhe me flokët gërshet, në serialin “The Addams Family” në 1964. Ajo mori rolin kur ishte gjashtë vjeç dhe luajti personazhin e fiksuar pas vdekjes derisa shfaqja përfundoi dy vjet më vonë./Opinion.al
