Është ndarë nga jeta një burrë 76-vjeçar që thuhet se është kryetari i familjes më të madhe në botë. Sipas mediave të huaja Ziona Chana ka vdekur në Mizoram, në verilindje të Indisë.
Chana kishte 39 gra, 94 fëmijë dhe 33 nipër e mbesa – të gjithë jetonin së bashku në një shtëpi me katër kate me rreth 100 dhoma në Baktawng në shtetin Mizoram. Rezidenca është një atraksion i madh turistik në shtet, me njerëz nga e gjithë bota që vizitojnë fshatin për të parë mënyrën e jetesës së familjes.
76-vjeçari ishte udhëheqësi i një sekti të krishterë lokal, të quajtur Chana, themeluar nga babai i tij në 1942. Chana dhe familja e tij janë një sensacion lokal, duke tërhequr turistë në fshatin e tyre në veri-lindje të Indisë.
Chana ka lindur në vitin 1945. Ai u takua me gruan e tij më të vjetër, e cila është tre vjet më e madhe se ai, kur ishte 17 vjeç.
Me një total prej 167 anëtarësh, familja është më e madhja në botë, sipas mediave lokale, megjithëse kjo varet nga numërimi edhe i nipërve dhe mbesave të Z. Chana./Opinion.al
