Ish-trajneri i kombëtares së Francës, Henri Michel ka ndërruar jetë ditën e sotme në moshën 70 vjeçare.
Lajmi bëhet i ditur nga Unioni i Futbollistëve Francezë (UNFP).
“Henri Michel, një monument i futbollit francez, vdiq këtë mëngjes. UNFP-ja shpreh ngushëllimet e saj më të thella për familjen dhe të dashurit e tij”, shkruan UNFP-ja në Twitter.
Ish-mesfushori i Nantes ka marrë pjesë në Kupën e Botës të vitit 1978 si dhe ka fituar tre herë kampionatin francez.
Henri Michel drejtoi ekipin kombëtar të Francës në vitet 1984 dhe 1986 dhe e renditi kombëtaren franceze në vendin e trëtë në Kupën e Botës të vitit 1986 që u zhvillua në Meksikë.
