Sulmuesi brazilian Coutinho, i cili në vitin 1962 fitoi Kupën e Botës dhe të cilin Pele e konsideronte si partnerin e tij të preferuar në sulm në skuadrën e Santos , ndërroi jetë në moshën 75 vjeçare.
Ekipi i Santos e publikoi këtë lajm duke thënë se futbollisti I njohur ndërroi jetë në shtëpinë e tij dhe se funeral do të bëhej në stadiumin e Santos.
Shkaku i vdekjes së tij nuk është bërë i ditur menjëherë. Në janar ai ishte dërguar në spital për shkak të një pneumonie dhe gjithashtu vuante nga diabeti.
Kur Pele ishte duke verbuar botën si një yll futbolli 17-vjeçar në Kupën e Botës të vitit 1958, Coutinho ishte duke debutuar në skuadrën e Santos në moshën 14-vjeçare.
Ai ka shënuar 368 gola për këtë skuadër, ndërsa Pele 1,091 për këtë ekip Brazilian. Ata kanë luajtur së bashku tek skuadra e Santos nga viti 1958 deri në 1967. Coutinho ka luajtur vetëm në 15 ndeshje me kombëtaren e Brazilit./Xh.K/Opinion.al
