Një person që qëndronte në qendrën e pritjes së emigrantëve në Manston në Kent të Mbretërisë së Bashkuar ka vdekur në spital.
Sipas Sky news, personi në fjalë kishte udhëtuar për në Mbretërinë e Bashkuar me me një varkë të vogël dhe kishte mbërritur të shtunën e kaluar.
Nuk ka “asnjë provë në këtë fazë” që sugjeron se vdekja ishte “shkaktuar nga një sëmundje infektive”, tha Zyra e Brendshme.
Nuk do të ketë asnjë koment derisa të kryhet një ekzaminim pas vdekjes, shtoi zëdhënësi.
“Ne e marrim sigurinë dhe mirëqenien e atyre që janë në kujdesin tonë jashtëzakonisht seriozisht dhe ofrojmë kujdes shëndetësor 24/7 me staf mjekësor të trajnuar në Manston,” tha ai.
Zyra e Brendshme shkroi në Twitter se ishte “thellësisht e pikëlluar nga kjo ngjarje” dhe dërgoi ngushëllimet e saj për këtë ngjarje.
Manston ka qenë në qendër të polemikave javët e fundit. Ai është projektuar për të mbajtur deri në 1,600 njerëz për jo më shumë se 24 orë, por, në fillim të këtij muaji, kishte rreth 4,000 vetë brenda.
