Aktorja e njohur e Teatrit të Kukullave, Mira Minga Jupi, por që të gjithë e njohim për rolin e personazhit të Kotes në filmin “Përrallë nga e Kaluara”, ka ndërruar jetë.
Ajo ka ndërruar jetë në Shtetet e Bashkuara të Amerikës pasi jetonte atje prej 19 vitesh.
Lajmin e hidhur për ndarjen e saj nga jeta e ka dhënë, kolegia e saj, Shegushe Bebeti në një postim në faqen e saj në Facebook.
“Oh sa dhimbje…oh sa lot…nuk gjej dot fjalë ta përshkruaj…sapo më erdhi lajmi nga Amerika, është ndarë nga jeta mikja ime e shtrenjtë Mira Minga Jupi, aktorja e mrekullueshme e Teatrit të Kukullave gruaja ideale, nëna e jashtëzakonshme që do t’i mungojë aq shumë familjes. Mira e talentuar, aq bujare, aq punëtore e zemërbardhë, u largua në Amerikë para 19 vitesh e sot largohet nga jeta, e ne nuk kemi mundësi t’i japim lamtumirën e fundit…qofsh e parajsës mikja ime e mirë e dheun e huaj e paç të lehtë. Do të më mungosh aq shumë e kafenë nuk do ta pimë më bashkë nëpërmjet Skype, do të kujtoj gjithmonë me shumë dashuri e dhimbje. Ngushëllime familjes e miqve që të deshën aq shumë”, shkruan ajo.
Përveç rolit të Kotes, Mira Minga luajti për herë të parë në Teatrin e Kukullave personazhin e Pinokut. /Opinion.al
