Aktori i njohur Aron Eisenberg, është ndarë nga jeta në mënyrë të papritur. Lajmin e hidhur e ka bërë të ditur bashkëshortja e tij, nëpërmjet një deklarate prekëse në rrjetet sociale.
“Kurrë nuk do të ketë një dritë tjetër si Aron. Trashëgimia që ai la pas është përtej fjalëve. E dua shumë dhe do më mungojë përjetësisht. Për momentin, nuk di se si do ta bëj jetën pa të”, shkruante ajo.
Përgjatë karrierës së tij si aktor, Aron ka pasur disa role mjaft të suksesshme, megjithatë ai që i dha famë ndërkombëtare ka qenë roli i Nog në “Star Trek: Deep Space Nine”.
Ende nuk është bërë i ditur shkaku i vdekjes, megjithatë familjarët kanë konfirmuar për CNN se 50-vjeçari më herët ka bërë dy transplantime të veshkave./Opinion.al
