Është ndërprerë mbledhja e Këshillit të Mandateve, ku po shqyrtohet kërkesa e SPAK për arrestimin e ish-ministrit Arben Ahmetaj dhe kontrollit të banesës së tij.
Kjo ka ardhur për shkak se Opozita ka kërkuar që mbledhja të zhvillohet me dyer të hapura.
Ahmetaj në këtë mbledhje po përfaqësohet nga dy avokatët e tij, Saimir Visha dhe Enrik Ligori.
Ndërkaq, pritet që sot mos të ketë një vendim për mandatin e Ahmetaj, pasi avokatët e ish-zv.kryeministrit do të kërkojnë shtyrjen e mbledhjes.
Sipas burimeve të “Opinion.al” avokatët do të kërkojnë më shumë kohë për t’u njohur me dosjen e SPAK, e cila është shumë voluminoze.
