Mbledhja në Komisionin për Punën, Çështjet Sociale dhe Shëndetësinë, ku po diskutohet projektligji i buxhetit për vitin 2023 këtë të hënë, ka nisur me debate.
Kryetarja e Komisionit Grida Duma, pyeti ministren Bora Muzhaqi për shifrën e buxhetit për fëmijët. Muzhaqi u shpreh se është 5 miliardë, por nuk përcaktoi se sa ishte për fëmijët dhe sa për të rinjtë, duke i thënë se mund ta bënte vetë llogarinë, pasi shifrat ishin tek Instati.
Ku mospërcaktim nga ana e Muzhaqit ka bërë që Duma të ndërpriste mbledhjen për disa minuta.
Debati:
Grida Duma: Sa e ke buxhetin për fëmijët?
Bora Muzhaqi: 5 miliardë lekë.
Grida Duma: Sa për fëmijët dhe të rinjtë?
Bora Muzhaqi: E ke shifrën te Instati, mund ta bëni llogaritjen.
Grida Duma: Nuk e ke shifrën. Buxhetin për rininë dhe nuk bën një krahasim mes 2022 dhe 2021. Po mbroni të pambrojtëshmen. Nuk e mbron dot veten se nuk mundet. Marrin dhe masa disiplinore në komision. Ne dhe ju dini shumë mirë.
Grida Duma: Mbylle komisionin.
Albana Vokshi: Nuk bëhet kështu. Duam përgjigje të saktë, ndaj kemi ministren këtu.
