Flakandanët dhe tymueset e tifozëve shqiptarë, që ndalën për 8 minuta ndeshjen Itali – Shqipëri mund t’i kushtojnë shtrenjte Federatës Shqiptare të Futbollit. Deri më tani janë marrë disa gjoba dhe për këtë ndërprerje mund të jetë e njëjta masë ose edhe përjashtim të spektatorëve sipas mediave italiane. Nga flakadanët pati probleme dhe një stjuard. Një situatë që u qetësua pas ndërhyrjes së futbollistëve të Kombëtares.
Ansi Agolli (Kapiten i Kombëtares): Janë gjëra që nuk duhet të ndodhin, por janë pjesë e ndeshjes. Më pas tifozët nga mirëkuptuan.
Një zhgënjim për trajnerin Gianni De Biasi, i cili përmend gjithmonë tifozerinë si një pjesë e bukur e Kombëtares.
Gianni De Biasi (Trajner i Kombëtares): Kam 5 vite që jam në Shqipëri. Tifozeria jonë ka spikatur gjithmonë për një tifozeri e bukur. Kësaj here mbeta i befasuar, nuk mendoja të shikoja diçka të tillë.
Në stadiumin “Renzo Barbera” sipas të dhënave zyrtare ishin rreth 5 mijë tifozë shqiptarë, por mendohet se kanë qenë më të shumtë në përballjen e së premtes.
/Tv Klan
