Ditën e djeshme është raportuar në media se pritet të zhvillohet një takim mes Turqisë dhe Greqisë më 25 janar në Stamboll, por sot ky fakt është hedhur poshtë.
Kathimerini, referuar burimeve diplomatike në Athinë shkruan sot se ende nuk ka asgjë zyrtare në axhendë për një takim mes dy ministrave të Jashtëm Dendias – Csavousoglou
“Një takim midis Ministrit të Jashtëm Nikos Dendias dhe homologut të tij turk Mevlut Csavousoglu nuk është planifikuar ose rënë dakord. Ministri i Jashtëm grek ka mbajtur një marrëdhënie miqësore personale me homologun e tij turk, por nuk është rënë dakord dhe nuk është planifikuar një takim në ardhmen e afërt mes tyre. Dendias mbetet i hapur për mundësinë e një takimi me Csavousoglou, kur rrethanat ta lejojnë”, shkruan media greke.
Por ndryshe nga ministri grek, ministri i Jashtëm turk ka konfirmuar se dy palët kanë rëndë dakord për një takim mes tyre. “Dje ne propozuam datën dhe patëm përgjigjen e menjëhershme. Më 25 janar, ne do të kryejmë raundin e 61-të të kontakteve eksploruese. Ne ramë dakord me Ministrin e Jashtëm Grek Nikos Dendias, i cili është gjithashtu një mik i imi personal, për t’u takuar dhe më vonë do të caktojmë datën e takimit tonë” tha ai, fakt që u mohua nga Athina./Opinion.al
