Gruaja e Christian Atsu shpërtheu në lot ndërsa Newcastle United dhe Liverpool mbajtën një minutë heshtje për lojtarin që vdiq nga tërmeti në Turqi.
Atsu ndërroi jetë pasi mbeti i bllokuar nën rrënoja për 12 ditë.
Trupi i pajetë i sulmuesit të Hatayspor u gjet të shtunën, më 18 shkurt.
Para ndeshjeve të Premierligës angleze të shtunën, u bënë homazhe për sulmuesin që luajti për Chelsea, Newcastle United, Everton dhe AFC Bournemouth.
Një skenë emocionuese ndodhi në St James’ Park, kur familja e Atsu ishte e pranishme dhe partnerja e lojtarit nuk mundi të përmbahej teksa shpërtheu në lot gjatë homazhit.
Bashkëshortja e tij e ulur pranë dy djemëve në tribunë u pa e mërzitur dhe duke fshirë lotët teksa publiku dhe dy ekipet duartrokiten në nderime të Atsus./Opinion.al
Liverpool and Newcastle paid tribute to 🇬🇭Christian Atsu but it's the shot of his wife and kids that will break you💔💔😢😢pic.twitter.com/SGxNhWsV7L
— George Addo Jnr (@addojunr) February 18, 2023
