Nga Klodiana Lala
Për Brianin që nuk është më mes nesh
Me siguri Brian, ti po na sheh nga lart me shpirfillje, NE, të vdekshmit.
Po sheh, edhe sesi prindërit dhe të afërmit tuaj vajtojnë me dhimbje të madhe humbjen tënde.
Nga lart po sheh me zemërim, sesi prokuroria refuzon të bëjë publike aktekspertizën e vdekjes tënde, duke u fshehur pas frazes “sekret i hetimit”.
E gjeta atë dokument Brian. Ma dha dikush që mendon për ty, mendon për drejtesinë. Kam dy orë që më dhemb zemra dhe po qaj për vuajtjet që ke kaluar, derisa mbylle sytë. Dikush mund të thotë se përse qan, se njihje fare atë djalë? Po qaj Brian, sepse jam nënë dhe shpesh më ndodh të kap veten duke menduar, se në vend të nënës tënde mund të ishte gjithsecila prej nesh. Shumë zëra thonë se po bëhet disi “debat” për shkakun e vdekjes tënde. Dikush, aty brenda prokurorisë më thotë se ekspertiza e parë s’ju mjaftoi. Ndaj duhet bërë një e dytë. E mua këtu më nisin dyshime. Përse duhet kjo? Që shpirti yt të vuajë duke u zvarritur drejtesia.
Për ty Brian, drejtësia duhet të shkojë në vend sa më parë. Duhet berë, se ndryshe do jetë njollë për prokurorinë.
Çeshtja duhet të hetohet shpejt, drejt e pa ndikime.
Ta kemi borxh Brian!
