Kapet në pikën kufitare, Hani i Hotit dhe vihet në pranga një person i shpallur në kërkim ndërkombëtar , i dënuar me burgim të përjetshëm për vrasje.
Kapja e 61-vjeçarit, Fran Prendi erdhi falë bashkëpunimit dhe shkëmbimit të informacionit mes Njësisë së Posaçme të Kërkimit “Fast” me strukturat homologe të vendeve evropiane që bëjnë pjesë në rrjetin ENFAST.
Prendi bënte pjesë në listën me 50 më të kërkuarit që janë objekt i punës së kësaj njësie të posaçme për ti kapur.
Ai është dënuar me burgim të përjetshem për veprën penale të “Vrasje me dashje për motive të dobëta”, pasi në vitin 1992, ka kryer një vrasje në Pukë.
Asokohe ai u arrestua dhe vuante dënimin në burgun e Bënçës Tepelene por me ngjarjet e vitit 1997, është larguar nga burgu./Opinion.al
