Aktori i humorit Sejfulla Myftari, i njohur si Cekja i Beratit, i pikëlluar tregoi njohjen e tij të hershme me aktorin Zef Deda, i cili u nda sot nga jeta në moshën 73-vjeçare.
Në një lidhje telefonike për News 24, Cekja tha se në takimin e fundit kishte kujtuar shfaqjet e tyre që kishin luajtur bashkë.
“Me Zefin kam punuar. E kam pasur shok dhe mik. Është humbje e madhe për artin. Nuk kam fjalë, s’di ça të them më. Që nga vitit 73 që punoja me Zefin. Kujtuam ato që kemi luajtur bashkë. Kemi pasur hyrje-dalje. Aktor i mrekullueshëm, njeri i shkëlqyer.”, tha ai.
