Futbolli italian vendosi të ndalojë të gjitha ndeshjet e planifikuara për t’u luajtur këtë të Hënë, pas ndarjes nga jeta të Papa Françeskut.
Federata Italiane nuk zbuloi datën për shtyrjen e ndeshjeve, por vendimi tashmë është marrë nga Lega Serie A. Katër sfidat e Serisë A, do të luhen të Mërkurën e 23 Prillit.
Sipas njoftimit, takimet e kampionatit do të luhen duke nisur nga ora 18:30, ndërsa nuk ka ndryshim për gjymëfinalen e kthimit në Kupën e Italisë, mes Milanit dhe Interit, që do të luhet sipas planit, të Mërkurën në orën 21:00.
Katër ndeshjet e Serisë A, që do të luhen të Mërkurën janë: Parma-Juventus, Torino-Udinese, Cagliari-Fiorentina dhe Genoa-Lazio.
