Presidenti i Kosovës, Hashim Thaçi, ka vendosur që 9 Shkurtin, ditën e varrimit të Nexhmije Pagarushës , ta shpall ditë zie shtetërore në nderim të jetës dhe veprës së artistes së madhe.
Vendimi në fjalë erdhi në shenjë respekti shtetëror dhe qytetar për artisten Pagarusha, e cila i dha vlera të përjetshme kulturës dhe artit kombëtar.
Sipas Presidencës, në pajtim me legjislacionin në fuqi, në ditën e zisë, flamuri shtetëror ngrihet në gjysmështizë në të gjitha objektet shtetërore të Republikës së Kosovës, brenda dhe jashtë vendit.
“Bilbili i Kosovës” është ndarë nga jeta në moshën 86-vjeçare, pasi vuante prej kohësh nga një sëmundje e rëndë.
Ajo la pas një krijmtari të çmuar me këngë si “Baresha,” “E dehun jam,” “Shota’ etj. që konsiderohen kryevepra të muzikës shqiptare. Ajo po ashtu ka interpretuar vepra të përkthyera në shqip të Bethovenit, Puçinit, Verdit.
Në vitin 2012, ajo mori titullin “Ndëri i Kombit” nga Presidenti Bujar Nishani. Ndërsa në vitin 2018, mori “Medaljen e Mirënjohjes” nga Presidenti Trump./Opinion.al
