Sekretari i Përgjithshëm i Partisë Socialiste, Taulant Balla ka shprehur ngushëllimet për kryebashkiakun e Rrogozhinës, Haxhi Memolla,i cili humbi jetën sot në Peshkopi nga një infarkt.
Balla shprehet se e ka të vështirë të përmbledhë në disa fjalë ngushëllimin për familjen, miqtë dhe qytetarët e Rrogozhinës, teksa shton se Memollës iu ndërpre në mes mandati pasi i kishte shërbyer me përpikmëri qytetarëve.
“Lamtumirë i dashur mik dhe shok Haxhi Memolla!
Sot u nda papritmas nga jeta Kryetari i Bashkisë Rrogozhinë Haxhi Memolla. Si mik dhe shok i vjetër në familjen tonë socialiste e kam pak të vështirë të lidh apo të përmbledh në disa fjalë ngushëllimin për familjen, për miqtë dhe qytetarët e Rrogozhinës.
Familja e madhe dhe e nderuar Memolla humbi sot një njeri të dashur, miqtë humbën Haxhiun e gjendur dhe zemërmirë, socialistëve të Rrogozhinës ju largua para kohe një përfaqësues i denjë, Rrogozhinës iu ndërpre në mes mandati i një Kryetari i cili çdo ditë i shërbeu me përpikmëri banorëve të nderuar të kësaj Bashkie.”, shkruan Balla./Opinion.al
