Pas ndarjes nga jeta mëngjesin e sotëm të Aneta Ramës, nëna e kryeministrit Edi Rama, Presidenti Ilir Meta ka publikuar një mesazh ngushëllimi.
Meta i përcjell ngushëllimet e tij familjes Rama përmes një mesazhi në “Facebook”, shoqëruar me një foto, ku ata shfaqen me nënën e tyre të ndjerë.
“Ngushëllimet më të sinqerta për familjen Rama, për ndarjen nga jeta të nënës dhe gjyshes së tyre të dashur Aneta. U prehtë në paqe!”-shkruan Meta.
Aneta Rama u nda nga jeta në moshën 82-vjeçare në shtëpinë e saj, ndërsa më herët kishte qenë e shtruar dhe në spital./ Opinion.al
