Tërheqjen e opozitës nga protesta këtë të shtunë e kritikuan disa nga analistët në vend. Por Lulzim Basha në një postim në rrjetet sociale, shoqëruar dhe me foto nga protesta thekson se koha e fjalëve mbaroi. Sipas Bashës, populli sot tregoi një rrugë se si mund të rrëzohet Rama dhe kjo rrugë do vazhdojë.
Në një intervistë për Opinion.al, Basha theksoi se nuk do të ketë marrëveshje të dytë me Ramën si ajo e 17 Majit. Vlen të kujtojmë se Elisa Spiropali tha të premten se nuk kishte asgjë të keqe që pushteti të ndahej me opozitën. Tani pavarësisht fjalëve të presim dhe të shohim.
“Një popull i tërë i bashkuar si kurrë më parë në protestën më madhështore në Shqipëri është ngritur kundër qeverisë hajdute dhe kryehajdutit të saj që e vjedhin dhe e varfërojnë përditë. Koha e fjalëve mbaroi! Sovrani diktoi sot rrugën pa kthim drejt së ardhmes!”, shkruan Lulzim Basha në Facebook.
