Thashetheme të shumta ka pasur se për shkak të largësisë është drejt fundit romanca e Albi Nakos me Klaudia Pepën dhe në lidhje me këtë ka folur ditën e djeshme e ëma e Klaudias, Lume Pepa.
Ajo e ka pranuar se për të dy marrëdhënia është e vështirë, por nuk bëhet fjalë aspak për ndarje apo ftohje të marrëdhënieve mes tyre. “Sigurisht, është e vështirë për të dy, madje kur Albi vjen të na vizitojë ulet 10 minuta apo 15 minuta dhe pjesën tjetër e kalon duke folur në telefon me Klaudian”, – thotë Lume Sa i takon talentit të Klaudias në balet, po ashtu ajo ka thënë: “Secili ka pjesën e vet në formimin e Klaudias dhe Albi ka sigurisht të tijën”. Pranë Lumes ka qenë edhe motra e Klaudias, Pamela, e cila studion në vitin e fundit në Liceun Artistik për kanto.
Pamela është një mezosoprano shumë e talentuar, madje edhe e guximshme. Këtë shtator, ajo do të fillojë përgatitjet për të realizuat një koncert recital në Tiranë. Të gjitha këto suksese të familjes, Lume Pepa i përjeton me shumë emocion. Natyrisht, të dyja vajzat e kanë bërë krenare me arritjet e tyre në vite, por Klaudia ka qenë gjithmonë krenaria e saj, ndaj edhe sapo fillon të flasë për të, e ka të vështirë t’i mbajë lotët.
