Ish-udhëheqësi i Katalonjës, Carles Puigdemont, është ndaluar në Gjermani.
Jaume Alonso-Cuevillas tha se ndalimi i ish-Presidentit u bë pasi kishte kaluar kufirin e Danimarkës, rrugës për në Belgjikë.
Puigdemont ndodhej në Finlandë, por një ditë pas mbërritjes së tij u lëshua një urdhër-arrest që e detyroi të largohej të shtunën. Ai kërkohet në Spanjë për trazira.
Puigdemont ka jetuar në ekzil në Belgjikë që prej referendumit të paligjshëm për pavarësi, i mbajtur në muajin tetor.
Një urdhër arresti evropian u riaktivizua kohët e fundit kundër tij.
Tensionet në rajon janë shumë të larta dhe liderët separatistë braktisën planet për të emëruar një president të ri, pas arrestimit të një prej kandidatëve, Jordi Turull.
Turma protestuesish u përplasën me policinë në Katalonjë mbrëmjen e së premtes, pasi Gjykata e Lartë spanjolle vendosi për gjykimin e 25 politikanëve katalanas, nën akuzën e rebelimit dhe mosbindjes ndaj shtetit.
Dënimet mund të arrijnë deri në 30 vite burg. 5 zyrtarët do të burgosen në pritje të procesit gjyqësor lidhur me përfshirjen në referendumin e paligjshëm të pavarësisë në muajin tetor.
